{"id":1257,"date":"2015-05-21T20:26:11","date_gmt":"2015-05-21T18:26:11","guid":{"rendered":"http:\/\/www.tutele.net\/forotpa\/?p=1257"},"modified":"2015-05-21T20:26:11","modified_gmt":"2015-05-21T18:26:11","slug":"rtpa-y-llingua-asturiana-agora-que","status":"publish","type":"post","link":"https:\/\/www.tutele.net\/forotpa\/2015\/05\/21\/rtpa-y-llingua-asturiana-agora-que\/","title":{"rendered":"RTPA y llingua asturiana: \u00bfAgora qu\u00e9?"},"content":{"rendered":"

Nota de prensa de la\u00a0Xunta pola Defensa de la Llingua Asturiana<\/em><\/p>\n

Esta Selmana de les Lletres Asturianes, la RTPA dio-y un tratu curiosu a la realid\u00e1 lling\u00fc\u00edstica del nuestru pa\u00eds, sobre manera na RPA, onde l’idioma tuvo presente a lo llargo de tola emisi\u00f3n. Nel casu de la televisi\u00f3n, fix\u00e9ronse coses m\u00e1s aislaes y anecd\u00f3tiques, pero tami\u00e9n se dieron pasos hist\u00f3ricos. Un exemplu ye l’usu del gallego-asturianu en delles pieces informatives o la emisi\u00f3n, pela primer vez na historia, de la informaci\u00f3n metereol\u00f3xica n’asturianu. La respuesta de l’audiencia foi m\u00e1s que positiva y 24.000 ciudadanos pudieron ver c\u00f3mo s’usaben con normalid\u00e1 les lling\u00fces del pa\u00eds na so televisi\u00f3n. Sicas\u00ed, pasada la Selmana de les Lletres volvimos a l’anormalid\u00e1 y el nuestru idioma y\u00e1 ye l’an\u00e9cdota, con menos d’un 5% de la emisi\u00f3n nel casu de la televisi\u00f3n y un vergonzante 2% nel de la radio.<\/p>\n

Por eso, la Xunta pola Defensa de la Llingua Asturiana (XDLA) quier preguntar qu\u00e9 va pasar agora cola situaci\u00f3n del asturianu na RTPA. Y ye que nun ser\u00eda l\u00f3xico tener qu’esperar un a\u00f1u, hasta la pr\u00f3xima Selmana de les Lletres, pa volver ver un usu del idioma propiu m\u00ednimamente normal. Les canales p\u00fabliques t\u00e1n obligaes por llei a ser partes actives nel procesu de normalizaci\u00f3n del asturianu y, por eso, tienen que dar pasos alantre, pero estos tienen que ser continuos y non cosa d’un d\u00eda. Sicas\u00ed, la diglosia y el complexu d’inferiorid\u00e1 formen parte de la mentalid\u00e1 de los directivos de RTPA, que piensen que con doblar una vez al a\u00f1u una pel\u00edcula o programar dellos reportaxes sobre la situaci\u00f3n del idioma coincidiendo cola Selmana de les Lletres y\u00e1 t\u00e1n cumpliendo cola llei y contentando les necesidaes de l’audiencia asturiano.<\/p>\n

Ye especialmente dolioso que nuna xornada dedicada a la tresmisi\u00f3n interxeneracional del idioma, la TPA nun dedicara nin un minutu a la emisi\u00f3n de programaci\u00f3n infantil. Too esto vu\u00e9lvese m\u00e1s grave cuando’l doblaxe al asturianu de la serie gallega Los Bolechas foi tou un \u00e9xitu que lleg\u00f3 a tar perriba n’audiencia d’otros productos en castellanu -como Bob Esponxa o Peppa Pig-. Mesmamente, la productora gallega que realiza la serie public\u00f3 dellos llibros n’asturianu sobre los personaxes, mostrando asina l’inter\u00e9s d’adaptar a Asturies y al asturianu la so ufierta cultural -compuesta por llibros, discos, espect\u00e1culos teatrales y actividaes d’ociu de toles menes-. Sicas\u00ed, el desinter\u00e9s de la TPA fixo que Los Bolechas quedara, otra vuelta, nuna an\u00e9cdota ensin continuid\u00e1 dientro del procesu de normalizaci\u00f3n del nuestru idioma.<\/p>\n

La XDLA quier siguir insistiendo na importancia d’una programaci\u00f3n infantil estable dientro de la emisi\u00f3n de TPA. Por eso, l’asociaci\u00f3n solicita a la cadena que merque cap\u00edtulos nuevos de la serie gallega y qu’apoye toles iniciatives d’ociu derivaes d’ella que permitan esparder l’idioma propiu ente les xeneraciones nueves. Am\u00e1s, recordamos qu’esti branu va estrenase en Xap\u00f3n una serie nueva de la franquicia de Dragon Ball, productu qu’a lo llargo de los a\u00f1os noventa se convirti\u00f3 nel primer fen\u00f3menu de mases que fal\u00f3 gallegu, vascu y catal\u00e1n. Ye m\u00e1s, a\u00f1os depu\u00e9s d’estrenase, tov\u00eda sigue program\u00e1ndose con datos d’audiencia perriba de los dem\u00e1s dibuxos animaos. Por eso, la XDLA solicita a la direcci\u00f3n de RTPA que negocie xunto les otres cadenes auton\u00f3miques de territorios billing\u00fces, l’adquisici\u00f3n d’esta serie -tou un s\u00edmbolu de la normalizaci\u00f3n de les lling\u00fces minoritaries- pa la so emisi\u00f3n n’asturianu.<\/p>\n