Nota de prensa de la Xunta pola Defensa de la Llingua Asturiana:<\/p>\n
\u00c9nte la negociaci\u00f3n inminente pa designar los xestores de la RTPA, la Xunta pola Defensa de la Llingua Asturiana (XDLA) recuerda a los grupos pol\u00edticos que’l parllamentu sal\u00edu de les elecciones pasaes escoy\u00f3 a Javier Fern\u00e1ndez presidente cola condici\u00f3n, ente otres, de \u00abincrementar la presencia de la llingua y la cultura asturianes\u00bb na radiotelevisi\u00f3n p\u00fablica. Pa garantizar la execuci\u00f3n d’esti compromisu parllamentariu, la XDLA demanda que los futuros xestores de la RTPA -director xeneral, Conseyu d’Alministraci\u00f3n y Conseyu de Comunicaci\u00f3n- s\u00edan persones compromet\u00edes colos derechos lling\u00fc\u00edsticos. La organizaci\u00f3n c\u00edvica fai un llamamentu espresu a les formaciones pol\u00edtiques qu’apostaron nos sos programes electorales por una RTPA al serviciu de la normalizaci\u00f3n lling\u00fc\u00edstica -Podemos, IX y Foru- pa que trabayen con esti oxetivu.<\/em><\/p>\n La XDLA alerta de los riesgos de volver a apostar por equipos xestores hostiles a la llingua y la cultura propia como los d’estos primeros diez a\u00f1os d’existencia de los medios de comunicaci\u00f3n p\u00fablicos. Un exemplu d’esto ye la falta de pasos alantre daos dende’l 2007, porque dende que s’estrenaron (obligaos pola llexislaci\u00f3n) los primeros espacios, les esperiencies nueves quedaron nam\u00e1s n’an\u00e9cdota. Too esto pudo vese na programaci\u00f3n del D\u00eda d’Asturies d’angua\u00f1o; mentes que nel 2014 lleg\u00f3 a emitise un 30% nel nuestru idioma, angua\u00f1o l’usu del asturianu qued\u00f3 nam\u00e1s na repetici\u00f3n d’una pel\u00edcula doblada que y\u00e1 s’emitiera en xineru del 2015.<\/em><\/p>\n A pesar de lo que recueye l’alcuerdu d’investidura, nun hai pasos alantre en sectores claves como’l doblaxe -3 pel\u00edcules y una serie d’animaci\u00f3n doblaes al asturianu nuna d\u00e9cada, nenguna contratada esti a\u00f1u-, tampoco nos informativos o nes retresmisiones deportives, a pesar de que l’usu esperimental del idioma propiu nestos formatos na Selmana de les Lletres nun xener\u00f3 neng\u00fan problema d’audiencies, sin\u00f3n tolo contrario. Por eso, ye fundamental un cambiu nos xestores de la radio y la televisi\u00f3n p\u00fablica, porque hasta’l momentu mostraron una incapacid\u00e1 manifiesta pa echar a andar unos medios de comunicaci\u00f3n p\u00fablicos capaces a vertebrar social, cultural y lling\u00fc\u00edsticamente Asturies. Too ello a pesar de los sueldos m\u00e1s que curiosos, sacaos del bolsu de tolos ciudadanos, que lleven tolos meses.<\/em><\/p>\n